അപേക്ഷയുടെ ഉള്ളടക്കം :

ജില്ലയിലൂടെ കടന്ന് പോകുന്ന 66 ദേശീയപാതയിൽ വിവിധ സ്ഥലങ്ങളിലായി സ്ഥാപിച്ചിരിക്കുന്ന സ്ഥലനാമ ബോർഡുകളിൽ നിരവധി പിഴവുകൾ കാണപ്പെടുന്നതായി നിങ്ങളുടെ ശ്രദ്ധയിൽ കൊണ്ടുവരാൻ ആഗ്രഹിക്കുന്നു. ഇത് യാത്രക്കാർക്ക് വഴിത്തിരിവുകളിലും സ്ഥലനിർണ്ണയത്തിലും ആശയക്കുഴപ്പങ്ങൾ സൃഷ്ടിക്കുന്നുണ്ട്. സംസ്ഥാനത്തിന്റെ പ്രതിച്ഛായക്കും വിനോദസഞ്ചാരികൾക്കും അതിഥിതോഴിലാളികൾക്കും ഇത്തരം തെറ്റുകൾ വലിയ പ്രതികൂലതകൾ സൃഷ്ടിക്കുന്നതായി കാണുന്നു.

ആയതിനാൽ നാഷണൽ ഹൈവേ അതോറിറ്റിയുടെ ശ്രദ്ധ ഇതിലുൾപ്പെടുത്തി തെറ്റായി എഴുതിയിരിക്കുന്ന സ്ഥലനാമ ബോർഡുകൾ ഉടൻ തിരുത്തുകയും ശരിയായ രൂപത്തിൽ അവ പുന:സ്ഥാപിക്കുകയും ചെയ്ത് സമ്പൂർണ സാക്ഷരത കൈവരിച്ച കേരളത്തിന്റെ പ്രതിച്ഛായ മറ്റു സംസ്ഥാനങ്ങളുടെയും രാജ്യങ്ങളുടെയും മുന്നിൽ നിലനിർത്തണമെന്ന് വിനീതമായി അഭ്യർത്ഥിക്കുന്നു.